ԱՄՆ նախագահ Դոնալդ Թրամփը ոգեշնչված է Վենեսուելայի նախագահ Նիկոլաս Մադուրոյին գերի վերցնելու հաջող ռազմական գործողությունից և չի նահանջի 2026 թվականի սկզբից վարած ագրեսիվ արտաքին քաղաքականությունից, հաղորդում է Wall Street Journal-ը (WSJ)՝ հղում անելով ամերիկացի առաջնորդի խորհրդականներին։
Նրանց տեղեկությունների համաձայն՝ Թրամփը բազմիցս մանրամասներ է ներկայացրել Մադուրոյին գերեվարելու համար իրականացված ռեյդի մասին՝ Կարակասում գործողության համար պատասխանատու էլիտար «Դելտա Ֆորս» ստորաբաժանումն անվանելով «կոշտ տղաներ»։
WSJ-ի աղբյուրները հայտնում են, որ Թրամփը համոզված է, որ իր հակառակորդները վախենում և հարգում են Միացյալ Նահանգները և վստահ է, որ հանրապետական օրենսդիրները չեն խոչընդոտի ապագա ռազմական գործողություններին։
Թերթը նշում է, որ ԱՄՆ նախագահական վարչակազմի ագրեսիվ քաղաքականությունը բացասաբար է ազդել Թրամփի վարկանիշի վրա։
Հանրապետականները վախենում են, որ դեմոկրատները կարող են վերականգնել Ներկայացուցիչների պալատի վերահսկողությունը նոյեմբերին կայանալիք միջանկյալ ընտրություններում, ինչը նրանց կտա ամերիկացի առաջնորդի գործողությունները հետաքննելու լիազորություններ։
