ՆԱՏՕ-ի նախկին գլխավոր քարտուղար (պաշտոնավարել է 2014-2024 թվականներին) Յենս Ստոլտենբերգը չի բացառել, որ Միացյալ Նահանգները կարող է դուրս գալ ՆԱՏՕ-ից։
«Ոչինչ քարի վրա ամրագրված չէ. ամեն ինչ կարող է փոխվել», - ասել է նա Der Spiegel ամսագրին տված հարցազրույցում: «Ես չեմ կարող խոստանալ, որ Միացյալ Նահանգները կմնա ՆԱՏՕ-ում», - ասել է Ստոլտենբերգը:
Նախկին գլխավոր քարտուղարը կարծում է, որ ՆԱՏՕ-ն պետք է միջոցներ ձեռնարկի տրանսատլանտյան դաշինքը պահպանելու համար՝ «անկախ նրանից, թե Միացյալ
Նահանգները շարունակում է մնալ ՆԱՏՕ-ի ակտիվ դաշնակից, թե ոչ»։
Գրենլանդիայի շուրջ ստեղծված իրավիճակի վերաբերյալ Ստոլտենբերգը զգուշացրել է ԱՄՆ ծրագրերը թերագնահատելուց։
«Եթե Միացյալ Նահանգներն ասում է, որ ցանկանում է վերահսկողություն հաստատել Գրենլանդիայի նկատմամբ, ապա մենք պետք է դա լուրջ ընդունենք», - նշել է նա։
