Բրազիլիայի ցամաքային ուժերը պնդում են երկրի ՀՕՊ համակարգերի արագ ամրապնդման և սեփական ԱԹՍ-ների ստեղծման վրա, հաղորդում է CNN Brasil-ը՝ հղում անելով բրազիլացի գեներալ Տոմաս Պայվային։
Նշվում է, որ երկրի նախագահ Լուիս Ինասիու Լուլա դա Սիլվան Վենեսուելայի դեմ ԱՄՆ-ի ագրեսիայից հետո խորհրդակցություն է անցկացրել զինված ուժերի ղեկավարության հետ։
Իր զեկույցում Պայվան պետության ղեկավարին մատնանշել է հանրապետության պաշտպանական կարողությունների «ռազմավարական խոցելիությունները»։ Ռազմական առաջնորդը շեշտել է միջին և մեծ հեռահարության հակաօդային պաշտպանության համակարգերի արդիականացման, ուղղաթիռների նավատորմի արդիականացման, ինչպես նաև հետախուզական և հարձակողական անօդաչու թռչող սարքերի ձեռքբերման անհրաժեշտությունը։
Հանդիպման ժամանակ Բրազիլիայի պաշտպանության նախարար Խոսե Մուսիո Մոնտեյրոն նշել է, որ մոտ 10,000 զինծառայողներ են ապահովում Վենեսուելայի հետ Ամազոնի շրջանի հյուսիսային սահմանի անվտանգությունը։ Սակայն, նախարարի խոսքով, զորքերի տեխնիկական հագեցվածությունը վերանայման կարիք ունի՝ նոր սպառնալիքներին դիմակայելու համար։
