Զախարովան մեկնաբանել է Սոլովյովի հայտարարությունները Հայաստանի վերաբերյալ

Ռուսաստանի արտաքին գործերի նախարարության խոսնակ Մարիա Զախարովան հինգշաբթի օրը կայացած ճեպազրույցի ժամանակ պատասխանել է այն հարցին, թե արդյոք հեռուստահաղորդավար Վլադիմիր Սոլովյովի՝ Հայաստանի վերաբերյալ հայտարարությունը համապատասխանում է Մոսկվայի պաշտոնական դիրքորոշմանը։

«Նախ, սա լրագրողի կարծիքն է։ Երկրորդ, այս կարծիքը արտահայտվել է «Սոլովյով Լայվ» մասնավոր հեռուստաալիքով։ Երրորդ, ես կարդացի մեջբերումները. ես չեմ հիմնվել համատեքստից դուրս բերված արտահայտությունների կամ անուղղակի խոսքի վրա, այլ ուղղակի խոսքի։ Այսպիսով, այս կարծիքը իրականում ձևակերպվել է որպես հարց։ Դա հայտարարություն չէր, այլ հարց էր... Չորրորդ, այս արտահայտությունները հստակ, բացարձակապես ակնհայտորեն ներկայացվել են սադրիչ ձևով բազկաթոռային վերլուծաբանների կողմից, գործնականում որպես Ռուսաստանի պաշտոնական դիրքորոշում։ Նման մանիպուլյացիան պարզապես անընդունելի է», - նշել է Զախարովան։

Ավելին, ըստ նրա, որոշ մեկնաբաններ օգտվել են առիթից՝ հրապարակելու ենթադրությունների մի ամբողջ շարք «Ռուսաստանի ենթադրյալ, ինչպես ես տեսել եմ որոշ հաղորդագրություններում, նույնիսկ ագրեսիվ ձգտումների մասին հետխորհրդային պետությունների նկատմամբ»։

«Մեր երկիրը և Հարավային Կովկասի և Կենտրոնական Ասիայի ժողովուրդները պատմականորեն կապված են եղել բարիդրացիական հարաբերություններով, ռազմավարական գործընկերությամբ, դաշինքով, եղբայրական բարեկամությամբ և համագործակցությամբ։ Մեր կապերի առաջընթաց զարգացման բանալին բարեկամ պետությունների ղեկավարների միջև լավ անձնական շփումներն են՝ հիմնված փոխադարձ հարգանքի և վստահության վրա», - ընդգծել է նա։

Միևնույն ժամանակ, Զախարովան հավելել է, որ գործողությունները պետք է գնահատվեն գործողություններով։

«Քանի՞ անգամ են նրանք մեզ օգնության հասել։ Քանի՞ անգամ են նրանք օգնության ձեռք մեկնել, բարեկամության ձեռք մեկնել։ Քանի՞ անգամ են նրանք ամենաանկեղծ զգացմունքները ցուցաբերել, երբ կարեկցել են։ Քանի՞ անգամ են նրանք անկեղծ, ամենաանկեղծ զգացմունքները ցուցաբերել, երբ կիսվել են ուրախությամբ, երբ կիսվել են ընդհանուր հաղթանակներով և հետխորհրդային տարածքում մեր գործընկերների և ընկերների հաղթանակներով։ Քանի՞ անգամ ենք մենք միասին աշխատել՝ թվացյալ անհնարին իրավիճակների լուծումներ գտնելու համար։ Քանի՞ անգամ ենք մենք հաղթահարել թյուրըմբռնումներն ու չհասկացվածություը։ Քանի՞ անգամ են արձագանքել սադրիչներին և նրանց սադրանքներին։ Սա այն է, ինչի վրա մենք պետք է կենտրոնանանք, և ոչ մի դեպքում չպետք է սայթաքենք, առավել ևս՝ կենտրոնանանք սադրանքների վրա։ Ցավոք, դրաք շատ կլինեն», - եզրափակել է նա։