Երեկ՝ հունվարի 14-ին, շանտանժով չեղարկվեց քահանաների կողմից Հովհաննավանք նախատեսված ուխտերթը։
ՆԳՆ բարձրաստիճան պաշտոնյան ուխտից մեկ օր առաջ կապի է դուրս եկել Արագածոտնի թեմի քահանաների հետ և սկսել նրանց համոզել՝ վախեցնելով, որ կարգալույծ եղած քահանա Ստեփան Ասատրյանը կողմնակիցների հետ հավաքվելու է Հովհաննավանքում և պատարագ մատուցի, այնպես որ խանգարելու են, և միջամտությունը կբերի բախումներ։
Այս կերպ պաշտոնյան ահաբեկել է քահանաներին և համոզել նրանց հետ կանգնել ուխտերթի մտքից, որի նպատակը Սուրբ Հովհաննես Մկրտչի տոնին ուխտագնացության մեկնարկն էր՝ հավատավորների ու եկեղեցականների մասնակցությամբ դեպի Հովհաննավանք։
Տոնական օրվա խորհրդով նախատեսված էր, որ Մայր Աթոռ Սուրբ Էջմիածնից Հովհանավանք կբերվեր Սուրբ Հովհաննես Մկրտչի մասունքը, ինչը ուխտերթին տալիս էր բացառիկ հոգևոր նշանակություն։
Ստեղծված իրավիճակը փաստում է, որ ոստիկանությունը ուղիղ միջամտում է Հայ Առաքելական Եկեղեցու ներքին կյանքին և խոչընդոտում եկեղեցու ու հոգևորականների բնականոն գործունեությանը։
