Դեկտեմբերի 13-ի առավոտյան Ֆիլիպինների Մայոն լեռան վրա լավա է ժայթքել՝ հասնելով մինչև 100 մետր բարձրության, հաղորդում է Ֆիլիպինների լրատվական գործակալությունը՝ հղում անելով Աղետների ռիսկի նվազեցման և կառավարման ազգային խորհրդին (NDRRMC):
Մայոնը Ֆիլիպինների Լուսոն կղզում գտնվող գործող հրաբուխ է: Հրաբխի խառնարանի բարձրությունը հասնում է 2462 մետրի: NDRRMC-ն ժայթքման տեսանյութը հրապարակել է սոցիալական ցանցերում:
«Արտանետումը տևել է մոտավորապես 35 վայրկյան և գրանցվել է Մայոնի հրաբխային աստղադիտարանի տեսախցիկներով», - ասվում է NDRRMC-ի հայտարարության մեջ։
Ֆիլիպինների իշխանությունները դեռևս չեն բարձրացրել հրաբխի տագնապի մակարդակը երրորդ մակարդակից մինչև չորրորդ, ինչը կպահանջի 7-8 կիլոմետր շառավղով տեղի բնակիչների տարհանում:
