Եվրոպական երկրների մի խումբ՝ Մեծ Բրիտանիայի և Գերմանիայի գլխավորությամբ, քննարկում է Գրենլանդիա լրացուցիչ զորքեր ուղարկելու հարցը, հաղորդում է Bloomberg-ը։ Եվրոպան հույս ունի, որ ռազմական ներկայության ավելացումը ԱՄՆ նախագահ Դոնալդ Թրամփին և նրա վարչակազմին ցույց կտա, որ եվրոպական մայրցամաքը լուրջ է վերաբերվում կղզու և ամբողջ Արկտիկայի անվտանգության ապահովմանը։
Գերմանիան, մասնավորապես, պլանավորում է առաջարկել կղզի ուղարկել ՆԱՏՕ-ի համատեղ առաքելություն՝ Արկտիկան պաշտպանելու համար:Միևնույն ժամանակ, Մեծ Բրիտանիայի վարչապետ Քիր Սթարմերը կոչ է անում դաշնակիցներին ավելացնել իրենց ռազմական ներկայությունը Հեռավոր Հյուսիսում:
Գերմանիայի արտաքին գործերի նախարար Յոհան Վադեֆուլը, ինչպես սպասվում է, հաջորդ շաբաթվա սկզբին կժամանի Միացյալ Նահանգներ, որտեղ Վաշինգտոնում կհանդիպի պետքարտուղար Մարկո Ռուբիոյի հետ։
