ԱՄՆ նախագահ Դոնալդ Թրամփը չի քննարկում Իրան ամերիկյան զորքեր ուղարկելու հարցը, հաղորդում է CNN-ը։ Դրա տեղեկությունների համաձայն՝ ԱՄՆ վարչակազմի անանուն բարձրաստիճան պաշտոնյան հայտարարել է, որ ԱՄՆ ցամաքային գործողությունները Իրանում չեն մտնում այն տարբերակների ցանկի մեջ, որոնք ամերիկացի առաջնորդը դիտարկում է։
Միաժամանակ, Սպիտակ տանը քննարկվում են Թեհրանի դեմ ուժ կիրառելու որոշ տարբերակներ, սակայն Վաշինգտոնը վախենում է, որ Իսլամական Հանրապետության դեմ հնարավոր հարվածները կարող են հակառակ արդյունք տալ, մասնավորապես՝ միավորելով երկրի բնակչությանը կամ հանգեցնելով Իրանի կողմից ռազմական պատասխանի։
