ԱՄՆ նախագահ Դոնալդ Թրամփը խոստովանել է, որ ԱՄՆ պետքարտուղար Մարկո Ռուբիոյի համար, ով ծնվել է կուբացի ներգաղթյալների ընտանիքում, Վենեսուելայում իրականացված գործողությունը վրեժխնդրության ակտ էր։ Fox News-ին տված հարցազրույցում Թրամփը նշել է, որ Ռուբիոն «լավ գիտի Կուբան» և հայտարարել է, որ այդ կղզի-պետությունը «լիովին կախված է Վենեսուելայից ֆինանսապես և նավթի հարցում»։
Այնուհետև հաղորդավարը ենթադրել է, որ Վենեսուելայում գործողությունը կարող էր լինել «Մարկոյի կողմից վրեժխնդրություն»։
«Գուցե այդպես էլ եղել է», – պատասխանել է Թրամփը։
Կուբայի նախագահ Միգել Դիաս-Կանելն ավելի վաղ հայտարարել էր, որ Վենեսուելայի նախագահ Նիկոլաս Մադուրոյին և նրա կնոջը՝ Սիլիա Ֆլորեսին, առևանգելու ԱՄՆ գործողությունների հետևանքով մարտական առաքելություններ կատարելիս զոհվել է 32 կուբացի։
