Հալեպի նահանգապետարանի սոցիալական հարցերի և աշխատանքի վարչությունը հայտնել է, որ հունվարի 6-ից ի վեր շարունակվող բախումների պատճառով Աշրաֆիե և Շեյխ Մակսուդ թաղամասերից տեղահանված ընտանիքների թիվը հասել է 11 806-ի, որը ներառում է 59 030 անձի, այս մասին հայտնում է Syria TV-ն։
Տեղեկությունների համաձայն՝ բնակիչները շարունակում են լքել Աշրաֆիե և Շեյխ Մակսուդ թաղամասերը։Աֆրին քաղաքում գրանցվել է տեղահանվածների ամենամեծ թիվը՝ մոտավորապես 9700 ընտանիք։ Հազարից ավելի ընտանիքներ տեղակայվել են Հալեպի տարբեր թաղամասերում։
Ավելի վաղ Հալեպի նահանգապետարանի հայտարարության մեջ նաև նշվել էր, որ նահանգապետարանն աշխատել է «բանակի հետ համակարգված երկու մարդասիրական միջանցքների վերաբացման կազմակերպման ուղղությամբ՝ դեպի Հալեպի անվտանգ տարածքներ քաղաքացիական անձանց անվտանգ անցումն ապահովելու համար»։
