Իրան-ԱՄՆ բանակցությունները կարող են սկսվել, հենց որ Վաշինգտոնը հրաժարվի իր բռնապետության քաղաքականությունից և սկսի անկեղծ երկխոսություն, հայտարարել է Իրանի արտգործնախարար Աբբաս Արաղչին։
«Երբ ամերիկացիները ընդունեն, որ բանակցությունները թելադրանք չեն, կարող են սկսվել իմաստալից բանակցություններ», - ասել է նա Բեյրութ ժամանելուց հետո մամուլի ասուլիսի ժամանակ։
Արաղչիի խոսքով՝ Իրանը լիովին պատրաստ է ցանկացած իրավիճակի, հատկապես հաշվի առնելով Իսրայելի կողմից ներկայացվող աննախադեպ սպառնալիքները։
«Մենք պատերազմ չենք ուզում, բայց պատրաստ ենք դրան։ Մենք պատրաստ ենք բանակցությունների, բայց փոխադարձ հարգանքի վրա հիմնված բանակցությունների», - հայտարարել է Իրանի արտգործնախարարը։
