ԱՄՆ նախագահ Դոնալդ Թրամփի՝ 2027 թվականին պաշտպանական բյուջեն մինչև 1.5 տրիլիոն դոլար ավելացնելու որոշումը վկայում է, որ ԱՄՆ-ը պատրաստվում է նոր համաշխարհային պատերազմի, կարծում է ամերիկացի պահպանողական լրագրող Թաքեր Կարլսոնը։
«Նախագահը հայտարարեց Պենտագոնի բյուջեն 1 տրիլիոն դոլարից մինչև 1.5 տրիլիոն դոլար ավելացնելու մասին, այնպիսի բյուջե, որը բնորոշ է համաշխարհային կամ տարածաշրջանային պատերազմի պատրաստվող երկրին։ Ակնհայտ է, որ մենք շարժվում ենք այս ուղղությամբ՝ դեպի համաշխարհային պատերազմ», - ասել է նա իր X սոցիալական ցանցում հրապարակված ծրագրում։
Կարլսոնի խոսքով՝ ԱՄՆ պաշտպանական բյուջեի նման աճի այլ պատճառներ չկան։
Թրամփը նախկինում հայտարարել էր, որ ԱՄՆ-ի՝ 2027 թվականի ռազմական բյուջեն պետք է կազմի 1,5 տրիլիոն դոլար՝ հղում անելով շատ «անհանգստացնող և վտանգավոր ժամանակներին»։
