Հաքան Ֆիդանը խոսել է Հայաստանի հետ հարաբերությունների կարգավորման գործընթացի մասին

09.12.2025 22:00 | Կատեգորիա Քաղաքական

Թուրքիայի արտաքին գործերի նախարար Հաքան Ֆիդանը, ելույթ ունենալով Թուրքիայի Ազգային ժողովում, խոսել է Հայաստանի հետ հարաբերությունների կարգավորման գործընթացի մասին։

Ըստ APA-ի թուրքական բյուրոյի՝ թուրք նախարարը հայտարարել է, որ այս գործընթացը 2025 թվականին իրականացվել է Ադրբեջանի հետ համակարգված կերպով և հաջորդ տարի խաղաղության ձեռքբերումը որակել է որպես «պատմական հնարավորություն»։

«2025 թվականին Հայաստանի հետ հարաբերությունների կարգավորման գործընթացը նույնպես իրականացվել է նույն ուղղությամբ և Ադրբեջանի հետ համակարգված։ Առաջիկա ժամանակահատվածում մենք կշարունակենք անել անհրաժեշտ ամեն ինչ՝ տարածաշրջանում կայուն խաղաղություն ապահովելու և կողմերին խրախուսելու օգտվել այս պատմական հնարավորությունից», - ասել է նա։

Թուրք նախարարը նշել է, որ նախագահների միջև փոխադարձ այցելությունները հատուկ ներդրում են ունեցել Թուրքիայի և Ադրբեջանի միջև 2025 թվականին համագործակցության հետագա խորացման գործում՝ ընդգծելով տարածաշրջանում տեղի ունեցած «կարևոր իրադարձությունները».

«Հարավային Կովկասում, որի հետ մենք պատմական և մշակութային կապեր ունենք, 2025 թվականին տեղի են ունեցել կարևոր իրադարձություններ։ Մեր եղբայրական և դաշնակից երկրի՝ Ադրբեջանի հետ մեր բարձր մակարդակի երկկողմ հարաբերությունները շարունակվում են բարձր մակարդակի փոխադարձ շփումների, մասնավորապես՝ Թուրքիայի և Ադրբեջանի նախագահների այցելությունների շնորհիվ», - հավելել է նախարարը։

Ամենաշատ կարդացվածներ

Իրանը սպառնացել է հարվածել տարածաշրջանում ԱՄՆ բոլոր ռազմաբազաներին

20.09.2026 20:47 | Կատեգորիա Համաշխարհային

Չարենցավանի 18-ամյա բնակիչը Արշակունյաց պողոտայում մտել է խանութ և գործադրելով գազային ատրճանակ՝ պահանջել գումար, ապա դիմել է փախուստի

20.09.2026 13:57 | Կատեգորիա Իրավունք

Հայկական մշակույթն ու բիզնեսը Մոնակոյում՝ Վրույր Փենեսյանի նախաձեռնությամբ (տեսանյութ, լուսանկարներ)