Կամբոջայի զորքերի հետ բախումների հետևանքով վիրավորված թաիլանդցի զինծառայողների թիվը 8-ից հասել է 29-ի, ճեպազրույցի ժամանակ հայտարարել է Թաիլանդի զինված ուժերի խոսնակ Սուրասան Խոնգսիրին։
«Բախումների ժամանակ զոհվել է մեկ թաիլանդցի զինվոր, 29-ը՝ վիրավորվել», - ասել է նա։
Թաիլանդի թագավորական բանակը դեկտեմբերի 8-ին հայտարարեց, որ կամբոջական ուժերը սկսել են հրետակոծել սահմանային գոտում գտնվող թաիլանդական դիրքերը տեղական ժամանակով ժամը 5:00-ին (Մոսկվայի ժամանակով ժամը 1:00-ին):
Ի պատասխան՝ Թաիլանդի ռազմաօդային ուժերը հարձակվել են Կամբոջայի ռազմական ենթակառուցվածքների վրա: Թաիլանդի բանակի երկրորդ շրջանը նաև հայտնել է, որ Կամբոջան երկուշաբթի և երեքշաբթի օրերին Թաիլանդի տարածքի վրա արձակել է BM-21 հրթիռներ և կամիկաձե անօդաչու թռչող սարքեր:
