Չեչնիայից Այշատ Բայմուրադովային, որը սպանվել էր Երևանում, հնարավոր է՝ թունավորած են եղել։ «Դոժդ»-ի թղթակից Վալերիա Կիրսանովային հայտնել է հետաքննությանը մոտ կանգնած աղբյուրը։
Երկու ամիս է՝ Հայաստանի իշխանությունները դեռ չեն բացահայտել չեչեն փախստականի մահվան հավանական պատճառը։ «СК SOS» ճգնաժամային խմբի տնօրեն Դավիթ Իստեևի խոսքով՝ Բայմուրադովայի մարմինը հայտնաբերվել է նրա վարձակալած բնակարանում՝ մուտքի դռան մոտ, վերև քաշած մարզաշապիկով։
«Ենթադրվում էր, որ նա փորձել է փախչել բնակարանից՝ փորձելով փրկվել։ Նա մահացել է դանդաղ և տանջվելով։ Բնակարանը ծածկված է եղել արյունով։ Այսպիսով, թվում է, թե նրա մարդասպանները նստել և սպասել են նրա մահվանը», - ասել է իրավապաշտպանը։
«Դոժդ»-ը նաև տեղեկացել է, որ Կարինա Իմինովան՝ Բայմուրադովայի ինստագրամյան ընկերուհին, որի հետ հանդիպումից հետոո նա մահացել է, ծագումով Ղրղզստանից է։ Հայտնի է, որ նա փորձել է կապեր հաստատել այլ չեչեն փախստականների հետ։
«Մարդու իրավունքների պաշտպանները մտավախություն ունեն, որ Հայաստանի իշխանությունները կարող են թաքցնել չեչեն կնոջ սպանությունը», նշում է լրատվամիջոցը։
