Լիդյա Մանթաշյանի նկատմամբ որպես խափանման միջոց ընտրված կալանքը վերացնելը նրա պաշտպան Տաթևիկ Սողոյանը համարում է հանրային ճնշման արդյունք։«Ես վստահ եմ, որ դիրքորոշումն այսպիսին չէր լինի, եթե չլիներ հանրային այս մեծ արձագանքը։ Սա կարող ենք համարել հանրային ճնշման հաղթանակ, ոչ արդարության։ Այն պահից սկսած, երբ խեղկատակ ապացույցներով այս գործը հարուցվել է, Լիդյան ներգրավվել է որպես մեղադրյալ, մենք արդարադատության, իրավաբանության հետ գործ չունենք»,-ասաց Սողոյանը դատարանի դիմաց լրագրողների հետ զրույցում։
Հիշեցնենք, որ Մանթաշյանի նկատմամբ կալանքը վերացնելուն չառարկեցին նաև հանրային մեղադրողները։
