ԱՄՆ ներկայացուցիչները չեն մասնակցի այս ամսվա վերջին Յոհաննեսբուրգում կայանալիք «Քսանյակի խմբի» (G20) գագաթնաժողովին, որը կգլխավորի Հարավային Աֆրիկան, Truth Social-ի եթերում հայտարարել է ԱՄՆ նախագահ Դոնալդ Թրամփը։
Թրամփը Հարավաֆրիկյան Հանրապետության գագաթնաժողովը անվանել է ամոթալի՝ ուշադրություն հրավիրելով սպիտակամորթների իրավունքների պաշտպանության հետ կապված իրավիճակի վրա։
«ԱՄՆ կառավարության ոչ մի ներկայացուցիչ այնտեղ չի գնա, քանի դեռ շարունակվում են մարդու իրավունքների այս խախտումները։ Ես անհամբեր սպասում եմ 2026 թվականին Մայամիում (Ֆլորիդա) կայանալիք G20-ի անցկացմանը», - գրել է ԱՄՆ նախագահը նոյեմբերի 7-ին։
Սեպտեմբերի սկզբին Թրամփը հայտարարեց, որ բաց կթողնի նոյեմբերի 22-23-ը Հարավային Աֆրիկայում նախատեսված G20 գագաթնաժողովը։ Ամերիկացի առաջնորդը պարզաբանել էր, որ գագաթնաժողովին ԱՄՆ պատվիրակությունը կգլխավորի փոխնախագահ Ջ.Դ. Վենսը։
Մայիսին Վաշինգտոնում կայացած անձնական հանդիպման ժամանակ Թրամփը փաստացի վիճաբանեց Հարավաֆրիկյան Հանրապետության նախագահ Սիրիլ Ռամաֆոսայի հետ Հարավային Աֆրիկայի սպիտակամորթ բնակչության իրավունքների պաշտպանության վերաբերյալ՝ հայտարարելով, որ խնդիրը պետք է լուծվի:
Հակառակ դեպքում, ԱՄՆ նախագահը կարծում է, որ «դա կլինի երկրի վերջը», այսինքն՝ Հարավային Աֆրիկայի:
