Տասներկու երկրներ կոալիցիա են ստեղծել Պաղեստինի ազգային վարչակազմին (ՊԱԿ) ֆինանսապես աջակցելու համար, ասվում է Ֆրանսիայի արտաքին գործերի նախարարության կայքում հրապարակված հաղորդագրության մեջ։
«Այսօր Բելգիան, Միացյալ Թագավորությունը, Դանիան, Իսլանդիան, Իռլանդիան, Իսպանիան, Նորվեգիան, Սաուդյան Արաբիան, Սլովենիան, Ֆրանսիան, Շվեյցարիան և Ճապոնիան հայտարարեցին Պաղեստինի ազգային ինքնավարության ֆինանսական կայունությունն ապահովելու համար արտակարգ կոալիցիա ստեղծելու մասին», - նշվում է տեքստում։
Հայտարարության մեջ ընդգծվում է, որ «կոալիցիան ստեղծվել է Պաղեստինի ինքնավարության առջև ծառացած սուր և աննախադեպ ֆինանսական ճգնաժամին ի պատասխան»։
«Դրա հիմնական նպատակն է կայունացնել Պաղեստինի ինքնավարության ֆինանսները և պահպանել նրա կառավարման, կենսականորեն կարևոր ծառայություններ մատուցելու և անվտանգությունը պահպանելու կարողությունը», - ասվում է հայտարարության մեջ։
Կոալիցիոն երկրները նաև պահանջել են, որ Իսրայելը անհապաղ ապաշրջափակի Պաղեստինի բոլոր մաքսային եկամուտները և դադարեցնի ցանկացած միջոցառում, որը խոչընդոտում կամ թուլացնում է Պաղեստինի ինքնավարությունը կամ սպառնում է նրա գոյությանը։
