Եվրոպական արտաքին գործողությունների ծառայությունը (EEAS), որը պատասխանատու է ԵՄ-ի և այլ երկրների փոխգործակցության համար, առաջարկել է ԵՄ երկրներում երկարաժամկետ առաքելություն ունեցող ռուս դիվանագետներից պահանջել զեկուցել միության ներսում յուրաքանչյուր տեղաշարժի մասին՝ որպես առաջիկա 19-րդ պատժամիջոցների փաթեթի մաս: Այս մասին հայտնել է Reuters-ը՝ հղում անելով ԵՄ աղբյուրին:
Գործակալության աղբյուրի խոսքով՝ նման ծանուցման համակարգի ներդրումը անդամ պետություններին հնարավորություն կտա մերժել ռուս դիվանագետների մուտքը, եթե նրանք այդպես ցանկանան: Ընդգծվում է, որ Բալթյան երկրները և Չեխիան անցյալ տարվանից ի վեր ակտիվորեն պաշտպանում են ռուս դիվանագիտական անձնակազմի տեղաշարժի սահմանափակումները:
ԵՄ անդամ պետությունների մշտական ներկայացուցիչները իրենց առաջին հանդիպումը կանցկացնեն ուրբաթ՝ սեպտեմբերի 26-ին, որպեսզի համաձայնեցնեն Եվրահանձնաժողովի առաջարկը հակառուսական պատժամիջոցների 19-րդ փաթեթի վերաբերյալ։
