Բժիշկ Վիսենտե Խավիեր Կլեմենտե Սուարեսը լավ քնի հինգ խորհուրդ է տվել։ Բժիշկը դրանք թվարկել է Hola-ին տված հարցազրույցում։
Առաջին հերթին, Սուարեսը խորհուրդ է տվել խուսափել սմարթֆոններից և այլ գաջեթներից քնելուց առնվազն մեկ ժամ առաջ: Որպես երկրորդ խորհուրդ՝ նա առաջարկել է էկրաններին փոխարինող այլընտրանքներ, ինչպիսիք են՝ ընթերցանությունը, շնչառական վարժությունները և տաք ցնցուղը:
Բժիշկը նաև կոչ է արել արթնանալ և քնել միշտ նույն ժամերին՝ թե՛ աշխատանքային, թե՛ հանգստյան օրերին:
Ինչ վերաբերում է սննդին, ապա արժե խուսափել ծանր ընթրիքներից, հեղուկի՝ չափից շատ օգտագործումից և երեկոյան ալկոհոլային խմիչքներից:
Ավելի լավ է սպորտային գործունեությունը տեղափոխել ավելի վաղ ժամի, քանի որ ֆիզիկական վարժությունները ակտիվացնում են նյարդային համակարգը, ինչը կանխում է խորը քունը, եզրափակել է Սուարեսը:
