Ռուսաստանի արտաքին գործերի նախարարությունը հայտարարել է, որ լրատվամիջոցներում և որոշ բլոգերներում տարածված տեղեկատվությունը «Ադրբեջանական ավիաուղիներ» (AZAL) ավիաընկերության ինքնաթիռի կործանման հետ կապված ապահովագրական միջոցների ենթադրյալ չվճարման մասին կեղծիք է և չի համապատասխանում իրականությանը։
«Մի շարք լրատվամիջոցներ, ինչպես նաև Telegram ալիքներում տարածում են կեղծ տեղեկատվություն 2024 թվականի դեկտեմբերի 25-ին Ղազախստանի Ակտաու քաղաքի մոտ «Ադրբեջանական ավիաուղիներ» ավիաընկերության ուղևորատար ինքնաթիռի կործանման հետ կապված ապահովագրական միջոցների չվճարման մասին։ Մենք գործ ունենք ևս մեկ կեղծիքի հետ, որը շահարկում է ողբերգությունը արդեն ծանոթ ցինիկ ոճով, որը նախատեսված է լսարանի հուզական արձագանքի համար։ Նման գրառումները չեն համապատասխանում իրականությանը։ Դրանք սուտ են»,-«ՌԻԱ նովոստի»լրատվական գործակալությունը մեջբերել է Ռուսաստանի արտաքին գործերի նախարարության Telegram ալիքում հրապարակված հաղորդագրության հատվածները։
Նախարարությունը հավելել է, որ շարունակվում է աշխատանքը վիրավորների և մահացածների հարազատների հետ՝ AZAL-ի վթարի հետ կապված փոխհատուցման գործընթացը՝ լիարժեք կարգավորման նպատակով։
«2025 թվականի փետրվարից ի վեր ռուսական «ԱլֆաՍտրախովանիե» ապահովագրական ընկերությունը ապահովագրական վճարումներ է կատարում «Ադրբեջանական ավիաուղիներ» ավիաընկերության ինքնաթիռի (Բաքու-Գրոզնի չվերթ) վթարի կապակցությամբ։ Ադրբեջանական ավիաընկերությանը վճարվել է ինքնաթիռի ապահովագրական փոխհատուցում՝ ապահովագրված ամբողջական արժեքի՝ 1,003 միլիարդ ռուբլու չափով։ Չվերթի 62 ուղևորներից 46-ի վնասվածքների և մահվան հետ կապված պահանջները լիովին կարգավորվել են, այդ թվում՝ Ռուսաստանի 15 քաղաքացիներից 7-ի, Ադրբեջանի 38 քաղաքացիներից 35-ի, Ղրղզստանի բոլոր 3 քաղաքացիների և Ղազախստանի 6 քաղաքացիներից 1-ի լրիվ վճարումները։ Մինչ օրս ինքնաթիռի վիրավոր ուղևորներին և մահացածների հարազատներին ապահովագրական վճարումներ են կատարվել՝ ընդհանուր առմամբ 358,4 միլիոն ռուբլու չափով»,-հայտնել են Ռուսաստանի արտաքին գործերի նախարարությունից։
