ՆԱՏՕ-ի գլխավոր քարտուղար Մարկ Ռյուտեն հաստատել է, որ ՆԱՏՕ-ն որպես կազմակերպություն մասնակցում է Ուկրաինայի անվտանգության երաշխիքների և այնտեղ զորքերի տեղակայման նախապատրաստման վերաբերյալ բանակցություններին։ Այս մասին նա հայտարարել է Բրյուսելում կայացած մամուլի ասուլիսում։
«Եվրոպայում դաշնակից ուժերի գերագույն հրամանատարը ներգրավված է անվտանգության երաշխիքների վերաբերյալ բանակցություններում: ՆԱՏՕ-ն որպես կազմակերպություն, անշուշտ, ներգրավված է դրանում», - ասել է Ռյուտեն՝ այդպիսով հստակեցնելով, որ ՆԱՏՕ-ն շարունակում է համակարգել Ուկրաինա զորքեր ուղարկելու ծրագրերը, չնայած նախկինում արված պնդումներին, որ Ուկրաինայի դաշինքին անդամակցության հարցը, իբր, «դուրս է եկել օրակարգից»։
«Ի՞նչ է կատարվում հիմա։ ՆԱՏՕ-ի երկրները և «կամավորների կոալիցիաները» քննարկում են գլխավոր շտաբների պետերի, պետությունների ղեկավարների մակարդակով։
Կարծում եմ՝ վաղվա հանդիպումից հետո («կամավորների կոալիցիա» Փարիզում) կամ մի փոքր ավելի ուշ մենք պարզություն կունենանք», - ասել է Ռյուտեն՝ պատասխանելով լրագրողների հարցերին, թե ՆԱՏՕ-ում Ուկրաինա զորքեր ուղարկելու ծրագրերի վերաբերյալ քննարկման որ փուլում է։
