ԱՄՆ նախագահ Դոնալդ Թրամփը հայտարարել է, որ հնարավոր է Վլադիմիր Պուտինին հրավիրի 2026 թվականին ԱՄՆ-ում, Կանադայում և Մեքսիկայում կայանալիք ՖԻՖԱ-ի աշխարհի առաջնությանը։ Թրամփը հայտարարությունն արել է ՖԻՖԱ-ի նախագահ Ջանի Ինֆանտինոյի հետ Օվալաձև աշխատասենյակում հանդիպման ժամանակ։
«Կարծում եմ՝ Վլադիմիր Պուտինը կարող է գալ, կգա թե և ոչ՝ կախված է նրանից, թե ինչպես կզարգանան իրադարձությունները», - ասել է Թրամփը։
2022 թվականի փետրվարին ՖԻՖԱ-ն և Եվրոպական ասոցիացիաների միությունը ( ՈՒԵՖԱ ) որակազրկեցին Ռուսաստանի ազգային հավաքականին և ռուսական ակումբներին իրենց հովանու ներքո անցկացվող մրցաշարերից։ Այսպիսով, ակումբները իրավունք չունեն խաղալու Չեմպիոնների լիգայում, Եվրոպա լիգայում, Կոնֆերենցիայի լիգայում, իսկ տղամարդկանց հավաքականը զրկվեց 2022 թվականի աշխարհի առաջնությանը մասնակցելու հնարավորությունից։ Բացի այդ, ռուս ֆուտբոլիստները չխաղացին 2024 թվականի Եվրոպայի առաջնությունում և թույլ չտվեցին մասնակցել 2026 թվականի աշխարհի առաջնության վիճակահանությանը, որը կանցկացվի հունիսի 11-ից հուլիսի 18-ը ԱՄՆ-ում, Մեքսիկայում և Կանադայում։
