ՄԱԿ-ի գլխավոր քարտուղար Անտոնիո Գուտերեշը Գազայի հատվածում սովի տարածումը մարդածին աղետ է անվանել, որը չի կարելի թույլ տալ, որ անպատիժ շարունակվի։
«Սա առեղծված չէ, սա մարդածին աղետ է», - ասել է ՄԱԿ-ի գլխավոր քարտուղարը Գազայի սովի վերաբերյալ հայտարարության մեջ։
Գուտերեշի խոսքով՝ Իսրայելն ունի «միջազգային իրավունքի համաձայն հստակ պարտավորություններ, այդ թվում՝ բնակչությանը սնունդ և դեղորայք ապահովելու պարտականությունը»։
«Մենք չենք կարող թույլ տալ, որ այս իրավիճակը շարունակվի անպատժելիորեն», - հավելել է գլխավոր քարտուղարը՝ կոչ անելով Գազայի հակամարտության կողմերին անհապաղ դադարեցնել կրակը, ազատ արձակել բոլոր պատանդներին և ապահովել մարդասիրական կազմակերպությունների անարգել մուտքը պաղեստինյան անկլավ։
Ավելի վաղ ՄԱԿ-ի կողմից աջակցվող պարենային անվտանգության մոնիթորինգի մեխանիզմի՝ Ինտեգրված պարենային անվտանգության փուլային դասակարգման (IPC) փորձագետները առաջին անգամ պաշտոնապես Պաղեստինի հյուսիսային անկլավի Գազա նահանգում տիրող իրավիճակը որակել էին որպես սով։
