Իսրայելի զինվորականները հարված են հասցրել Գազա քաղաքի Շեյխ Ռադվան թաղամասում գտնվող դպրոցին՝ համանուն պաղեստինյան անկլավում:
Ինչպես հաղորդել է կատարյան «Ալ Ջազիրա» հեռուստաալիքը, դպրոցի տարածքը օգտագործվել է որպես ապաստան տեղահանված պաղեստինցիների համար, ովքեր փախել էին գոտու այլ շրջաններից շարունակվող մարտերի պատճառով:
Հեռուստաալիքի տվյալներով՝ հարձակման հետևանքով զոհվել է առնվազն 12 մարդ, վիրավորների թիվը ճշտվում է։ Նշվում է, որ այսօր առավոտյան տեղի ունեցած հրետակոծության հետևանքով Գազայի հատվածում արդեն զոհվել է 25 տեղացի բնակիչ, որոնցից 23-ը՝ Գազա քաղաքում։
