Պաղեստինյան արմատական ՀԱՄԱՍ շարժումը կոչ է արել միջնորդներին առավելագույն ճնշում գործադրել Իսրայելի ղեկավարության վրա՝ Գազայի հատվածի վարչական կենտրոնի գրավման ռազմական գործողության մեկնարկի ֆոնին: Համապատասխան հայտարարությունը հրապարակվել է արմատականների Telegram ալիքում:
«Մենք կոչ ենք անում միջնորդներին առավելագույն ճնշում գործադրել Իսրայելի վրա՝ նրան ստիպելու դադարեցնել պաղեստինցի ժողովրդի դեմ բնաջնջման պատերազմը», – ասվում է հայտարարության մեջ։ՀԱՄԱՍ-ը շեշտել է, որ Իսրայելի ղեկավարության գործողությունը սկսելու որոշումը ցույց է տալիս նրա «անտարբերությունը միջնորդների կողմից ձեռնարկված բոլոր ջանքերի նկատմամբ» Գազայում հրադադարի բանակցությունների շրջանակներում։
Ռադիկալները հավելել են, որ Գազա քաղաքի օկուպացիայի հետևանքների համար ամբողջ պատասխանատվությունը դնում են ոչ միայն Իսրայելի, այլև Միացյալ Նահանգների վրա։
