ՀՀ-ն ու Արժույթի միջազգային հիմնադրամը համաձայնություն են եկել Պահուստային ծրագրի վերանայման հարցով

22.10 15:29 | Կատեգորիա Տնտեսական

Հայաստանի Հանրապետությունն ու Արժույթի միջազգային հիմնադրամն աշխատանքային մակարդակի համաձայնություն են ձեռք բերել Պահուստային ծրագրի չորրորդ վերանայման ուղղությամբ:

Այս մասին հաղորդագրություն է տարածել Հայաստանի ֆինանսների նախարարությունը:

«2024 թվականի սեպտեմբերի 18-ից հոկտեմբերը 1-ը կայացած Արժույթի միջազգային հիմնադրամի (ԱՄՀ) հայաստանյան առաքելության ու դրան հաջորդած քննարկումների արդյունքում աշխատանքային մակարդակի համաձայնություն է ձեռք բերվել ԱՄՀ աջակցությամբ իրականացվող եռամյա Պահուստային ծրագրի հերթական՝ չորրորդ վերանայման ուղղությամբ»,- նշված է գերատեսչության տարածած հաղորդագրության մեջ:

Ընդգծվում է, որ վերանայումն արձանագրում է ծրագրի ներքո ստանձնած պարտավորությունների արդյունավետ ու ժամանակին իրականացումը, ինչպես նաև վարվող մակրոտնտեսական քաղաքականության կայունությունն ու հուսալիությունը: ԱՄՀ փորձագետներն ակնկալում են, որ Հայաստանի տնտեսական աճի տեմպն ընթացիկ տարում կպահպանվի` 2024թ. համար կազմելով 6%` պայմանավորված ներքին պահանջարկով:

«Կառավարության կառուցվածքային բարեփոխումների օրակարգը պատշաճ կերպով կենտրոնացած է ներառական աճի հզորացման վրա՝ խթանելով աշխատանքի շուկային մասնակցությունը երիտասարդների, կանանց և խոցելի խմբերի շրջանում` ընդլայնելով դիվերսիֆիկացիան երկրի արտահանման զամբյուղում ու շուկաներում և բարելավելով գործարար միջավայրը: Այս նպատակներին հասնելը պահանջում է հստակ ու լիարժեք զբաղվածության և արտահանման ռազմավարությունների մշակում և իրականացում, կառավարման բարեփոխումների առաջնահերթությունների սահմանում, անվճարունակության շրջանակի արդիականացում և որակյալ ներդրումների աջակցմանն ուղղված ներդրումային խթանների ռացիոնալացում»,- նշել է ԱՄՀ հայաստանյան առաքելության ղեկավար Իվա Պետրովան:

Վերանայումը ենթակա է հաստատման ԱՄՀ գործադիր խորհրդի կողմից ս.թ. դեկտեմբեր ամսին, ինչի արդյունքում կառաջանա 24.5 միլիոն ԱՄՆ դոլարի (18.4 միլիոն ՀՓԻ) չափով փոխառու միջոցների հասանելիություն՝ ծրագրի ներքո հասանելի ընդհանուր գումարի ծավալը հասցնելով 122.7 միլիոն ԱՄՆ դոլարի (92 միլիոն ՀՓԻ): Ծրագիրն ունի կանխարգելիչ բնույթ, և փոխառու միջոցներն ուղղվելու են ապագա հնարավոր ցնցումների արդյունքում առաջացած տնտեսության արտաքին (վճարային հաշվեկշռի) ֆինանսավորման կարիքների բավարարմանը:

Ամենաշատ կարդացվածներ

Դուբայի երկնքում անցկացվել է Tetris-ի աննախադեպ խաղ դրոններով (տեսանյութ)

15.12 23:41 | Կատեգորիա Ժամանց

Ուսման Դեմբելեն ճանաչվել է 2025 թ․–ի լավագույն ֆուտբոլիստ

16.12 22:55 | Կատեգորիա Սպորտ

Բաքուն նշել է խաղաղության համաձայնագրի ստորագրման համար իր պահանջը

16.12 21:34 | Կատեգորիա Քաղաքական

Թուրքիայի քաղաքացին փորձել է 161 կիլոգրամ «հերոին» տեսակի թմրամիջոց տեղափոխել ՀՀ տարածքով (տեսանյութ)

16.12 18:49 | Կատեգորիա Հասարակություն

Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)

16.12 22:28 | Կատեգորիա Հասարակություն

Էդուարդ Սպերցյանը՝ Ռուսաստանի Պրեմիեր լիգայի ամենաթանկ ֆուտբոլիստ

17.12 00:28 | Կատեգորիա Սպորտ

Իրանն ի սկզբանե դեմ է եղել «Զանգեզուրի միջանցքին»․ Ալի Աքբար Վելայաթի

15.12 22:30 | Կատեգորիա Քաղաքական

Հայաստանը կողմ է քվեարկել Պաղեստինի ինքնորոշման և անկախ պետություն ստեղծելու իրավունքի բանաձևին

17.12 00:00 | Կատեգորիա Քաղաքական

Նեթանյահուն մեղադրել է Ավստրալիայի իշխանություններին ահաբեկչության դեմ պայքարում թուլության մեջ

17.12 14:27 | Կատեգորիա Համաշխարհային

ՈՒՂԻՂ

Լրահոս

21:00

Դավիթ Համբարձումյանն ուժեղ քաղաքական մրցակից է Փաշինյանին․ նրանից վախեցան ու մեկուսացրեցին․փաստաբան (տեսանյութ)

20:54

Արմեն Գրիգորյանը հանդիպել է ՄԹ արտաքին հետախուզության ծառայության տնօրենին

20:51 Կարևոր

Մայր Աթոռի տարածքից հեռացվել է 5 անձ՝ ոչ ադեկվատ և սադրիչ վարքագիծ դրսևորելու համար. ՆԳՆ