Մայր Տաճարում մատուցված Սուրբ և Անմահ Պատարագի ավարտին կատարվեց Խաղողօրհնեքի արարողակարգը

17.08 14:32 | Կատեգորիա Հասարակություն

Սուրբ Աստվածածնի Վերափոխման տոնի առիթով Մայր Տաճարում մատուցված Սուրբ և Անմահ Պատարագի ավարտին կատարվեց Խաղողօրհնեքի արարողակարգը։ Խաղողօրհնեքի արարողությունը իրականացվեց Նաթան արքեպիսկոպոսի և Մուշեղ եպիսկոպոսի խորհրդակատարությամբ։

Խաղողօրհնեքն ունի հետևյալ խորհուրդն ու նշանակությունը

«Դրախտից արտաքսվելուց հետո քանի որ մարդը իշխան էր կարգված ամբողջ երկրի վրա, ուստի նրա անիծվելով՝ անիծվում է նաև նրա ամբողջ իշխանությունը, այսինքն՝ ամբողջ երկիրը՝ իր կենդանիներով ու բույսերով հանդերձ: Իսկ երբ, Միածին Որդու գալստյամբ, կրկին օրհնվում է մարդկային բնությունը, ապա վերստին օրհնվում են նաև բոլոր զգալի արարածները: Սակայն բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը, ամենազորավոր ծառերից ավելի վեր բարձրացրեց և պատվեց առավել, քան մյուս տնկիները՝ Իրեն Խաղողի որթ անվանելով՝ ըստ այս խոսքի. «Ես եմ ճշմարիտ որթատունկը» (Հովհ. ԺԵ 1): Իսկ Տիրոջը սիրով կապվածներին ճյուղեր անվանեց և Հորը՝ Մշակ, որպեսզի Հայրը էտելով որթատունկը՝ այն պտղաբեր անի արդարության գործում, իսկ էտված ճյուղերը հավիտենական կրակի նյութ դարձնի: Այնուհետև գինին՝ խաղողի արյունը, Միածին Որդին Իր փրկական Արյան նյութն արեց և Վերնատանը Իր ձեռքերի մեջ վերցնելով՝ օրհնեց՝ ասելով. «Սա է Նոր ուխտի Իմ Արյունը» (Մատթ. ԻԶ 28), որով մենք գնվեցինք ու ազատվեցինք մեղքերի ծառայությունից ու մահից:

Այդպիսով խաղողը կրկնակի օրհնության արժանացավ՝ օրհնվելով և առաջին արարչության ժամանակ, և երկրորդ, որը և ամեն տարի որպես մեր հանդերի ու այգիների երախայրիք նվիրում ենք Աստծուն, ինչպես հնում էր ընդունված, որպեսզի այդ մասնավոր ընծայով բոլոր պտուղները օրհնություն ընդունեն:

Այդ պատճառով էլ սուրբ Աստվածածնի Վերափոխման տոնին, պատարագից հետո, կատարվում է Խաղողօրհնեքի արարողությունը, որի ժամանակ սարկավագի քարոզով գոհանում ենք բարերար Աստծուց, մեզ առատապես պարգևած՝ հանդերի ու այգիների բերքի համար և խնդրում, որպեսզի Նա օրհնի տաճարին ընծայված խաղողի այս պտուղներն Իր սկզբնական օրհնությամբ և շնորհի մեզ որպես գինի ուրախության և կերակուր առողջության՝ հոգու և մարմնի: Միաժամանակ դիմում ենք սուրբ Աստվածածնի բարեխոսությանը, ում միջոցով մեզ տրվեց կյանքի և անմահության Պտուղը՝ Հիսուս Քրիստոս»։

Ամենաշատ կարդացվածներ

Լույսը վառի´ր. Ցուցադրական Ամանոր (տեսանյութ)

28.12 21:30 | Կատեգորիա Հասարակություն

ՔՊ–ականները քեֆի մեջ են (տեսանյութ)

28.12 20:30 | Կատեգորիա Քաղաքական

Արագ շախմատի ԱԱ․ Մագնուս Կարլսենը նվաճեց տիտղոսը

28.12 21:44 | Կատեգորիա Սպորտ

102-րդ ռազմաբազայի դուրսբերման հարց օրակարգում չկա․ ՀՀ ԱԳ նախարար

28.12 22:03 | Կատեգորիա Քաղաքական

Ամանորի գիշերը երկինքը կխոսի. Արայիկ Հարությունյան

28.12 22:30 | Կատեգորիա Հասարակություն

Շիրակամուտ գյուղում տեղի է ունեցել պայթյուն՝ հրդեհի բռնկմամբ

28.12 21:15 | Կատեգորիա Հասարակություն

Երևանն ու Բաքուն քննարկում են ուղիղ առևտրի հարցը․ ՀՀ ԱԳ նախարար

28.12 22:44 | Կատեգորիա Քաղաքական

Ինչ տնտեսական աճի մասին, կամ ուժեղ բանակի մասին կարելի է խոսել մի երկրում, որտեղ մարդիկ լուցկիներով են մենակ կարողանում հաշվարկներ անել. Սամվել Մարտիրոսյան

29.12 14:24 | Կատեգորիա Հասարակություն

3 զոհ․ 2 վիրավոր․ ՆԳՆ-ն Շիրակի մարզի ավտովթարից մանրամասներ է հայտնել

28.12 17:59 | Կատեգորիա Պատահարներ

ՈՒՂԻՂ