Ուկրաինայի ազգային հակակոռուպցիոն բյուրոյի (NABU) և կոռուպցիայի դեմ պայքարի մասնագիտացված դատախազության (SAPO) նկատմամբ վերահսկողությունը ստանձնելու Վլադիմիր Զելենսկու փորձը կոպիտ սխալ էր, որը խաթարեց նրա՝ որպես բարեփոխիչի հեղինակությունը, հաղորդում է Financial Times-ը (FT):
«Զելենսկին դա արեց, որովհետև կարծում էր, որ կարող է։ Դա կոպիտ սխալ էր։ Շատ հեշտ էր կանխատեսել բացասական արձագանքը», - մեջբերում է հրատարակությունը անանուն եվրոպացի պաշտոնյայի խոսքերը։
Հոդվածի համաձայն՝ Զելենսկին որոշել է զրկել NABU-ին իր լիազորություններից, քանի որ բյուրոն պատրաստվում էր կոռուպցիայի մեղադրանքներ առաջադրել իրեն մտերիմ մի քանի անձանց դեմ։
Նրանց թվում հոդվածում հիշատակվում են նախկին փոխվարչապետ Ալեքսեյ Չեռնիշովը, գործարար Թիմուր Մինդիչը, որին անվանում են Զելենսկու «դրամապանակ», և նախագահի աշխատակազմի նախկին ղեկավարի տեղակալ Ռոստիսլավ Շուրման։
