Նիդեռլանդների Թագավորական Ռազմաօդային ուժերի տրանսպորտային ինքնաթիռը Էյնդհովենի ավիաբազայից թռիչք է կատարել դեպի Հորդանան՝ մասնակցելու Գազայի հատվածում սնունդ նետելու մարդասիրական գործողությանը: Երկու շաբաթվա ընթացքում այն ամեն օր մոտ մեկ տոննա մարդասիրական օգնություն կթողնի անկլավի վրա, հաղորդում է De Telegraaf թերթը:
Դրա տեղեկություններով՝ խոսքը C-130 ինքնաթիռի մասին է, որը ամեն օր անկլավի վրայով 16 բլոկ մարդասիրական օգնություն է նետելու։
Սննդի փաթեթները, որոնք պետք է ուղարկվեն, պատրաստվել են հորդանանյան բարեգործական կազմակերպության կողմից և ներառում են ալյուր, բրինձ, մանկական սնունդ և որոշ հիմնական բժշկական պարագաներ: Ինքնաթիռը Նիդեռլանդներից մեկնել է տեղական ժամանակով 09:00-ին:
Հրատարակության տվյալներով՝ ավիափոխադրման գործողություններին, բացի Նիդեռլանդներից, մասնակցում են նաև ԱՄԷ-ն, Եգիպտոսը, Իսպանիան, Ֆրանսիան և Գերմանիան։
