Ամերիկացի սպառողները կտուժեն, եթե Հնդկաստանը դադարեցնի ռուսական նավթ գնելը, գրում է CNN-ը։
«Եթե Հնդկաստանը անցնի այլ երկրներից ավելի թանկ նավթ ներմուծելուն, դա, հավանաբար, կհարվածի նաև ամերիկացի սպառողներին», - ասվում է հրատարակության մեջ։
Հրատարակությունը սա բացատրում է նրանով, որ Հնդկաստանը վերամշակում է նավթի մի մասը և արտահանում ստացված արտադրանքը։
Նշվում է, որ ռուսական նավթի մատակարարումների լիակատար դադարեցումը լուրջ խնդիր կստեղծի Հնդկաստանի համար, որը դժվար կլինի լուծել։
Անցյալ երեքշաբթի ԱՄՆ նախագահ Դոնալդ Թրամփը հայտարարեց Հնդկաստանից ներմուծվող ապրանքների վրա 25 տոկոս մաքսատուրքի սահմանման մասին՝ բարձր մաքսատուրքերի, առևտրային արգելքների և էներգետիկայի ու զենքի ոլորտներում Մոսկվայի հետ համագործակցության պատճառով: Նյու Դելին նույնպես կենթարկվի չճշտված տուգանքի այս ամենի համար: Մաքսատուրքն ինքնին ուժի մեջ կմտնի օգոստոսի 7-ին:
