Ֆրանսիայի հարավում գտնվող Օդ դեպարտամենտում խոշոր հրդեհի հետևանքով մեկ մարդ մահացել է, ևս ինը վիրավորվել են, հայտնում են տեղական իշխանությունները։
«Հրդեհը շատ արագ տարածվում է և արդեն 15 համայնքներում 11,100 հեկտար տարածք է ընդգրկել։ Նախնական տվյալներով՝ մեկ մարդ զոհվել է, երկու քաղաքացիական անձ վիրավորվել է և գտնվում է ծանր վիճակում, ինչպես նաև յոթ հրշեջներ», - ասվում է դեպարտամենտի պրեֆեկտի հայտարարության մեջ։
Նշվում է, որ հրդեհի դեմ պայքարում ներգրավված է ավելի քան 1,8 հազար հրշեջ։
Կրակը ոչնչացրել է մոտ 30 մեքենա և կլանել 25 տուն։ 2500 տնային տնտեսություն մնացել է առանց էլեկտրաէներգիայի։ Շատ ճանապարհներ փակվել են։
