«Հյուրիեթ» թերթը պնդում է, որ «Թուրքիան» մշակել է գործողությունների տարբեր ծրագրեր, այդ թվում՝ ռազմական, եթե Սիրիայի հյուսիսում գտնվող քրդական ուժերը հրաժարվեն զինաթափվել։
Հրատարակությունը նշում է, որ «Սիրիական ժողովրդավարական ուժեր» (SDF) քրդական կոալիցիայի առաջնորդ Մազլում Աբդին, որը Անկարան համարում է արգելված Քրդստանի աշխատավորական կուսակցության (PKK) ճյուղ, չի կատարում մարտ ամսին Արաբական Հանրապետության ժամանակավոր նախագահ Ահմեդ ալ-Շարաայի հետ ստորագրված համաձայնագրի պայմանները։
Ըստ ծրագրի՝ քուրդ մարտիկները պետք է ընդգրկվեն անցումային կառավարության զինված ուժերում։
«Սիրիայում անկայունության պայմաններում SDF ուժերը՝ PKK-ի և YPG-ի (Ժողովրդական պաշտպանության ջոկատներ) հետ միասին, չեն հանձնի իրենց զենքերը: Թուրքիան ունի գործողությունների ծրագրեր տարբեր ռիսկերի համար: Այն թույլ չի տա Սիրիայի մասնատումը և տարածաշրջանի (հյուսիսում) անցումը SDF/PKK/YPG-ի վերահսկողությանը», - նշում է թերթի սյունակագիր Աբլուլքադիր Սելվին:
Նրա խոսքով՝ այն պայմաններում, երբ Իսրայելը ձգտում է ապակայունացնել Սիրիան, Թուրքիան հանդես է գալիս նրա տարածքային ամբողջականության և կայունության ապահովման օգտին։
