ԱՄՆ նախագահ Դոնալդ Թրամփը կարծում է, որ Թեհրանին պետք չէ միջուկային տեխնոլոգիան օգտագործել խաղաղ նպատակներով, քանի որ Իրանը հարուստ է նավթով։
Եթե դուք ունեք նավթի և գազի անսահման պաշարներ, ապա ինչի՞ն է պետք խաղաղ միջուկային էներգիան, ես չեմ հասկանում»,– ասել է ամերիկացի առաջնորդը Fox News–ին տված հարցազրույցում, որը տեսագրվել է Աբու Դաբի կատարած այցի ժամանակ։
Թրամփը կարծում է, որ միջուկային տեխնոլոգիաների խաղաղ օգտագործումն ընդունելի է «եթե երկիրը նավթ չունի»։ Իրանն ունի «աշխարհում նավթի ամենահարուստ պաշարներից մեկը», պնդել է ամերիկացի առաջնորդը։
Նա նաեւ ասել է, որ ԱՄՆ-ը թույլ չի տա Թեհրանին միջուկային զենք ձեռք բերել։ «Կարծում եմ՝ նրանք ցանկանում են գործարք կնքել»,- եզրափակել է Սպիտակ տան ղեկավարը։
ԱՄՆ-ը և Իրանը, Օմանի միջնորդությամբ, բանակցությունների չորս փուլ են անցկացրել Թեհրանի միջուկային ծրագրի շուրջ տարաձայնությունները լուծելու համար:
