Մարտի 18-ին Գազայի հատվածում ռազմական գործողությունների վերսկսումից հետո ավելի քան 1200 պաղեստինցի է զոհվել, ևս 3000-ը վիրավորվել է։ Այս մասին հայտնել է անկլավի առողջապահության նախարարությունը Telegram-ի իր ալիքում։
«2025 թվականի մարտի 18-ից ի վեր Գազայում 1249 մարդ է զոհվել, 3022-ը՝ վիրավորվել»,- ասվում է Գազայի առողջապահության նախարարության զեկույցում։ Գազայի հատվածում 2023 թվականի հոկտեմբերից սպանված պաղեստինցիների թիվը հասել է 50609-ի, իսկ վիրավորներինը՝ 115063-ի։
Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ զանգվածային հարձակումներ կատարելով անկլավի վրա և դրանով իսկ ընդհատելով այս տարվա հունվարին հաստատված հրադադարը։
