Մեծ Բրիտանիայի նախկին վարչապետ Բորիս Ջոնսոնը իր հուշերում սեր է խոստովանել Ռուսաստանի հանդեպ և պատմել, թե ինչպես է երգել «Կալինկա» մանուկ հասակում։ ՌԲԿ-ն հատվածներ է ներկայացրել գրքից։
Քաղաքական գործչի խոսքով՝ Ռուսաստանի հանդեպ իր սերը սկսվել է 19-րդ դարի գրող Ֆյոդոր Դոստոևսկու ստեղծագործությունների ընթերցմամբ։ Դեռահաս տարիքում Ջոնսոնն առաջին անգամ գնացել է ԽՍՀՄ դպրոցական ճամփորդության՝ այցելելով Մոսկվա, Լենինգրադ (այժմ՝ Սանկտ Պետերբուրգ), Լատվիա, Լիտվա և Էստոնիա։
Ջոնսոնը խոստովանել է, որ կոմունիստական համեղ պաղպաղակի այս հիշողությունները սերտորեն կապված են իր «Սուինդոնից աղջկա սիրտը նվաճելու անհաջող փորձերի հետ», ով իր հետ էր այդ ճանապարհորդության ժամանակ։
Քաղաքական գործիչն ընդգծել է, որ սիրում է ռուսաց լեզուն, մշակույթը, գրականությունը, նկարչությունը, բնանկարները։ Տասը տարի անց, երբ 1989 թվականին քանդվեց Բեռլինի պատը, իսկ ավելի ուշ փլուզվեց Խորհրդային Միությունը, Ջոնսոնը կարծում էր, որ Ռուսաստանը մեծ և ակնհայտ եվրոպական քաղաքակրթությունն է, որն արագորեն կմիանա ժողովրդավարական երկրների համայնքին, ասել է նախկին վարչապետն իր հուշերում:
