«Ազատ Եվրոպա/Ազատություն» ռադիոկայանը (Արդարադատության նախարարության օտարերկրյա գործակալների ցանկում ընդգրկված և անցանկալի համարվող կազմակերպություն) (Ազատություն ռադիոկայանը) հաստատել է, որ ստացել է ԱՄՆ կառավարությունից դրամաշնորհային ֆինանսավորման վաղաժամկետ դադարեցման մասին ծանուցումը: Այս մասին հայտարարել է կորպորացիայի նախագահ Սթիվեն Կապուսը՝ այս որոշումը անվանելով «նվեր Ամերիկայի թշնամիներին», հաղորդում է մեդիակորպորացիայի կայքը։
Gazeta.ru-ի փոխանցմամբ՝ պատճառը ԱՄՆ նախագահ Դոնալդ Թրամփի մարտի 14-ի հրամանագրն էր, որով հրամայվում էր կրճատել «Ազատություն» ռադիոկայանի և «Ամերիկայի ձայնի» վերահսկողության ներքո գտնվող Գլոբալ ԶԼՄ-ների գործակալության (USAGM) գործունեությունը (կազմակերպությունն ընդգրկված է Արդարադատության նախարարության կողմից օտարերկրյա գործակալների ցանկում): Որպես հրամանի մաս՝ USAGM-ն մեդիա կորպորացիային նամակ է ուղարկել՝ խզելով Կոնգրեսի կողմից նախապես հաստատված համաձայնագիրը։
Լրագրողների պաշտպանության կոմիտեն կոչ է արել ԱՄՆ օրենսդիրներին արգելափակել հրամանը՝ ընդգծելով անկախ լրագրությանը սպառնացող վտանգը։
Կապուսը նախազգուշացրել է, որ ֆինանսավորման կրճատումը «կթուլացնի ԱՄՆ դիրքերը տեղեկատվական պատերազմում», սակայն Թրամփի վարչակազմը ձգտում է կրճատել «չափազանց» ծախսերը: Որոշումը հակասություններ է առաջացրել ամերիկյան քաղաքական իսթեբլիշմենտի ներսում, երբ Կոնգրեսի որոշ անդամներ հանդես են գալիս լրատվամիջոցներին որպես «փափուկ ուժի» գործիքի շարունակական աջակցության կողմնակից:
Հիշեցնենք, որ մարտի 9-ին Իլոն Մասկը իր X էջում կոչ արեց փակել «Ազատություն» ռադիոկայանը և «Ամերիկայի ձայնը»:
Թարգմանությունը՝ Մանուել Թամազյանի
