Թուրքմենստանի մայրաքաղաքում տեղի է ունեցել Վլադիմիր Պուտինի և Իրանի Իսլամական Հանրապետության նախագահ Մասուդ Փեզեշքիանի հանդիպումը։Ղեկավարների շփումը սկսվել է պատվիրակությունների մասնակցությամբ, ապա բանակցությունները շարունակվել են դեմ առ դեմ:
Այս մասին ասել է ՌԴ նախագահի մամուլի քարտուղար Դմիտրի Պեսկովը, փոխանցում են միջազգային ԶԼՄ-ները։«Շատ ուրախ եմ, հարգելի պարոն նախագահ, որ հնարավորություն կա անձամբ հանդիպելու Ձեզ հետ և քննարկելու մեր ընթացիկ խնդիրները։Իրանի հետ հարաբերությունները մեզ համար առաջնահերթություն են և դրանք շատ հաջող են զարգանում։ Այս տարի մենք տեսնում ենք ապրանքաշրջանառության աճ։ Ճիշտ է՝ այն չի վերականգնվել անցյալ տարվա անկումից հետո, բայց միտումը լավ է։Միջազգային ասպարեզում մենք ակտիվորեն աշխատում ենք միասին։
Վստահ եմ, որ այսօր նույնպես կխոսենք այս մասին:Իրանը դարձել է Շանհայի համագործակցության կազմակերպության և BRICS-ի լիիրավ անդամ։ Ես ձեզ սպասում եմ Կազանում այս ամիս՝ 23-24-ին, BRICS-ի գագաթնաժողովում, որտեղ մենք նաև երկկողմ հանդիպում ունենք պլանավորված»,-դիմելով Փեզեշքիանին՝ ասել է Պուտինը։
