Բրազիլիայի գլխավոր դատախազությունը նախկին նախագահ Ժաիր Բոլսոնարոյին մեղադրանք է առաջադրել հեղաշրջման փորձի մեջ, որը ներառում էր Բրազիլիայի առաջնորդ Լուիս Ինասիո Լուլա դա Սիլվայի դեմ մահափորձը։ Այս մասին հայտնում է G1 պորտալը։ Բոլսոնարոն մեղադրվում է հանցավոր խմբավորում ստեղծելու, օրինական դեմոկրատական կարգը բռնությամբ վերացնելու և պետական հեղաշրջման փորձի մեջ։
Գլխավոր դատախազության տվյալներով՝ պետության նախկին ղեկավարը գիտեր Լուլա դա Սիլվայի սպանության ծրագրերի մասին։
«Ծրագիրը ներկայացվել է Բոլսոնարոյի ուշադրությանը, ով հավանություն է տվել այն», – հրատարակությունը մեջբերում է գլխավոր դատախազության որոշման մի հատված։
Գործով մեղադրանք է առաջադրվել, ընդհանուր առմամբ, 34 անձի։ Այժմ Գլխավոր դատախազության որոշումը պետք է քննարկի Գերագույն դատարանը։ Նոյեմբերին O Globo թերթը հայտնել էր, որ Բրազիլիայի ոստիկանությունը հետաքննում է մի քանի սպաների, ովքեր կասկածվում են հեղաշրջման փորձի մեջ:
