ԱՄՆ նախագահ Դոնալդ Թրամփը նշել է, որ Ուկրաինային անհրաժեշտ են ընտրություններ, եթե Կիևը ցանկանում է նստել բանակցությունների սեղանի շուրջ հակամարտությունը կարգավորելու համար։
«Մենք գործ ունենք մի իրավիճակի հետ, երբ Ուկրաինայում ընտրություններ չեղան, երբ Ուկրաինայում ռազմական դրություն է, որտե՞ղ է առաջնորդը Ուկրաինայում, ես նկատի ունեմ, որ նրա վարկանիշը նվազել է մինչև 4%:
Երկիրը պատառոտված է, քաղաքների մեծ մասն ավիրված է։ Շենքերը քանդված են»,-ասել է նա լրագրողներին՝ Ֆլորիդայի Վեսթ Փալմ Բիչի մոտ գտնվող Մար-ա-Լագո կալվածքում:
Ամերիկացի առաջնորդը նաեւ նշել է, որ Ռուսաստանը կարող է ոչնչացնել Ուկրաինայի բոլոր քաղաքները, սակայն չի ցանկանում դա անել։
