Եվրոպայի երկրները պետք է իրենց վերահսկողության տակ վերցնեն Հյուսիսատլանտյան դաշինքը՝ զգալիորեն մեծացնելով իրենց ազդեցությունը դրանում։ Այս մասին France Info հեռուստաալիքի եթերում հայտարարել է Ֆրանսիայի արտգործնախարար Ժան-Նոել Բարոն։
«Հիմա ճիշտ ժամանակն է ուժեղացնել Եվրոպայի կշիռը ՆԱՏՕ-ում: Սա նշանակում է ամրապնդում ռազմավարական հարցերում, բայց նաև տեսլականի փոփոխություն հիմա ժամանակն է, որ մենք վերահսկենք ՆԱՏՕ-ն»,- ասել է արտաքին քաղաքականության վարչության ղեկավարը:Նրա խոսքով՝ Եվրոպան պետք է զարգացնի սեփական պաշտպանական ներուժը։
«Մենք պետք է եվրոպացնենք դաշինքը, որը մինչ այժմ եղել է ԱՄՆ-ի հովանու ներքո գործող ակումբի պես մի բան, որը տասնամյակներ շարունակ մեզ թույլ է տվել ապրել անհոգ պայմաններում։ Այժմ իրավիճակը փոխվել է»,- ընդգծել է Բարրոնը։ԱՄՆ նախագահ Դոնալդ Թրամփը բազմիցս դժգոհություն է հայտնել ՆԱՏՕ-ի գործունեության վերաբերյալ։
