Անկարայի գլխավոր դատախազությունը պաշտոնական հետաքննություն է սկսել Իսրայելի ավիահարվածի հետեւանքով Թուրքիայի երեք քաղաքացիների սպանության փաստով, հայտնում է Star թերթը։
Թուրքիայի ԱԳՆ-ը ավելի վաղ հայտնել էր Լիբանանի հետ սահմանամերձ շրջանում իսրայելական ավիահարվածի հետևանքով երկրի երեք քաղաքացիների մահվան մասին, անհրաժեշտ ընթացակարգեր են իրականացվում մահացածների մարմինները երկիր շուտափույթ տեղափոխելու համար։
Ինչպես ՌԻԱ Նովոստի-ին հայտնի է դարձել տարածաշրջանի աղբյուրներից, Թուրքիայի քաղաքացիներ Սեզեր Օզդեմիրի, Հուսեյն Քեյի և Չինար Ալփ Բայդենի ընտանիքները հայտնել են իրենց անհետացման մասին 2025 թվականի հունվարի 11-ին Լիբանանի սահմանին, նրանցից որևէ լուր չկա։ Տեղական իշխանություններից ստացված տեղեկատվության համաձայն՝ հունվարի 11-ին մոտավորապես 20 հոգուց բաղկացած խումբը, որը բաղկացած էր տարբեր երկրների քաղաքացիներից, փորձել է անօրինական կերպով Լիբանանով մուտք գործել Իսրայել։
«Անկարայի գլխավոր դատախազությունը հետաքննություն է սկսել Լիբանանից Իսրայել անցնելու փորձի ժամանակ իսրայելական բանակի կողմից կազմակերպված ավիահարվածի հետևանքով Թուրքիայի երեք քաղաքացիների սպանության առնչությամբ»,- գրում է հրատարակությունը։
