Ղազախստանը շուտով համաձայնագրեր կկնքի հանրապետության առաջին ատոմակայանի (ԱԷԿ) կառուցման վերաբերյալ և կորոշի երկրորդ և երրորդ կայանների կառուցման վայրերը, հայտարարել է Ղազախստանի վարչապետ Օլժաս Բեկտենովը կառավարության ընդլայնված նիստում, որը վարել է նախագահ Կասաիմ-Ժոմարտը։
«Առաջիկայում մենք կկնքենք Ալմաթիի տարածաշրջանում առաջին ատոմակայանի կառուցման վերաբերյալ անհրաժեշտ պայմանագրերը»,-Բեկտենովի խոսքերը հայտնում է Kazinoform գործակալությունը։
Ղազախստանում 2024 թվականի հոկտեմբերի 6-ին տեղի ունեցավ հանրապետական հանրաքվե՝ երկրի առաջին ատոմակայանի կառուցման վերաբերյալ։ Հանրապետության կենտրոնական ընտրական հանձնաժողովի տվյալներով՝ նախագծին աջակցել է ընտրողների 71,12 տոկոսը։
2022 թվականի հունիսին Ղազախստանի էներգետիկայի նախարարությունը հայտարարեց, որ ատոմակայանը նախատեսվում է կառուցել մինչև 2035 թվականը՝ 11,2 միլիարդ դոլար բյուջեով։ Շինարարության հավակնորդների կարճ ցուցակում ընդգրկվել են ռուսական «Ռոսատոմ» պետական կորպորացիան, հարավկորեական KHNP-ն, չինական CNNC-ը և ֆրանսիական EDF-ը:
