Չի կարելի թույլ տալ, որ Սիրիան դառնա ապաստան կամ տարանցիկ կետ ահաբեկիչների համար։
Այս մասին հայտարարել է ՄԱԿ-ում Իրաքի մշտական ներկայացուցիչ Աբբաս Քազեմ Օբեյդը՝ ՄԱԿ-ի Անվտանգության խորհրդի՝ Սիրիայում տիրող իրավիճակին նվիրված նիստում։
«Սիրիան չպետք է դառնա ահաբեկիչների ապաստարան կամ տարանցիկ կետ, մենք մերժում ենք սիրիական տարածքների բաժանումը։
Մենք կոչ ենք անում մշակել հստակ ճանապարհային քարտեզ՝ երաշխավորելու սիրիական բոլոր ուժերի արդյունավետ մասնակցությունը ճգնաժամի կարգավորման գործընթացում:
Մենք նաև կոչ ենք անում աջակցել սիրիացիներին և վերջ տալ երկրում քաղաքական պառակտմանը»,-մեջբերում է դիվանագետի խոսքը Իրաքյան լրատվական գործակալությունը:
Իրաքի և Սիրիայի միջև պետական սահմանի երկարությունը 599 կմ է։
