Ուկրաինական ճգնաժամի դիվանագիտական ավարտի վերաբերյալ Ռուսաստանի Դաշնության հետ բանակցություններ սկսելու որոշումը չի կարող կայացնել միայն Կիևը։ Նման կարծիք է հայտնել Գերմանիայի նախկին կանցլեր Անգելա Մերկելը Corriere della Sera թերթին տված հարցազրույցում։
«Բանակցությունները, իհարկե, չեն կարող վարվել Ուկրաինայի որոշումով, բայց, միևնույն ժամանակ, ես կարծում եմ, որ շատ երկրներ, որոնք աջակցում են Ուկրաինային, պետք է միասին որոշեն, թե երբ է հնարավոր քննարկել Ռուսաստանի հետ ճգնաժամի դիվանագիտական լուծումը»,- ասել է քաղաքական գործիչը։
Նա դժվարացել է պատասխանել, թե, իր կարծիքով, երբ կարող է սկսվել այդ գործընթացը։ Մերկելը նաև բացատրել է, որ ինքը չի հրաժարվել «Հյուսիսային հոսք 2»-ից՝ առաջնորդվելով Գերմանիայի տնտեսական շահերով։
«Ես իմ խնդիրն եմ համարել գերմանական տնտեսությանը գազով ապահովելը, և մենք հիմա տեսնում ենք, թե ինչ հետևանքներ ունի էներգառեսուրսների բարձր արժեքը Գերմանիայի համար»,- ասել է Մերկելը։
