ՌԴ Անվտանգության խորհրդի փոխնախագահ Դմիտրի Մեդվեդևը խորհուրդ է տվել ԱՄՆ-ին և ՆԱՏՕ-ին մտածել ՌԴ նախագահ Վլադիմիր Պուտինի խոսքերի մասին՝ Մոսկվայի կողմից ագրեսիային պարտադիր պատասխան տալու մասին։ Al Arabiya հեռուստաալիքին տված հարցազրույցում Մեդվեդևն ուշադրություն է հրավիրել պետության ղեկավարի խոսքերի վրա, ով նոյեմբերի 21-ին իր հայտարարության մեջ խոստացել էր պատասխան տալ Ռուսաստանի դեմ ագրեսիվ գործողություններին։
«Անպայման կլինի պատասխան, դա վերաբերում է և՛ տեղի ունեցածին, և՛ հնարավոր հետագա էսկալացիային»,- պարզաբանել է ԱԽ փոխնախագահը։
Նրա կարծիքով՝ «բացարձակապես բոլոր նրանք, ովքեր այսօր ռազմական հիստերիա են հրահրում, առաջին հերթին ՆԱՏՕ-ի բլոկում, Ամերիկայի Միացյալ Նահանգներում և մի շարք այլ պետություններում, պետք է մտածեն այս մասին»։
