Չորս իտալացի զինվոր թեթև վնասվածքներ են ստացել Լիբանանի հարավում գտնվող UNIFIL խաղաղապահ բազայի վրա երկու հրթիռի պայթյունի հետևանքով։Այս մասին հայտնում է «European Truth»-ը՝ հղում անելով Իտալիայի վարչապետ Ջորջիա Մելոնիի (Giorgia Meloni) և պաշտպանության նախարարության հայտարարություններին։ Մելոնին ասել է, որ նման հարձակումները «անընդունելի են»:
«Ես կրկնում եմ, որ նման հարձակումներն անընդունելի են, և ես կրկին կոչ եմ անում տեղերում գտնվող կողմերին շարունակաբար ապահովել ՅՈՒՆԻՖԻԼ-ի զինվորների անվտանգությունը և միասին աշխատել՝ արագ բացահայտելու մեղավորներին», - ասաց նա։
Պաշտպանության նախարարությունը հայտնել է, որ 122 մմ 2 հրթիռ խոցել են Չամա գյուղի բազայի բունկերը և միջազգային ռազմական ոստիկանության շտաբի մոտ գտնվող սենյակը՝ վնասելով շրջակա ենթակառուցվածքներին։Պայթյունի հետևանքով ապակի է կոտրվել,
վիրավորվել է չորս զինծառայող, նշել են պաշտպանության վարչությունից։Վերջերս հաղորդվեց, որ Իտալիայի արտգործնախարար Անտոնիո Տայանին (Antonio Tajani) հեռախոսազրույց է ունեցել Իսրայելի իր գործընկեր Գեդեոն Սաարի հետ, որի ընթացքում քննարկվել է Լիբանանում տեղի ունեցած միջադեպը, երբ արկը խոցել է ՄԱԿ-ի խաղաղապահ բազան։
