Թուրքիայի արտգործնախարար Հաքան Ֆիդանը հայտարարել է, որ Անկարան ամեն ջանք գործադրում է Իսրայելին միջազգային հանրության մեջ մեկուսացնելու համար։
«Մայիս ամսին, ինչպես հիշում եք, մենք դադարեցրինք արտահանման-ներմուծման գործարքները Իսրայելի հետ, մենք նաև նախաձեռնեցինք ՄԱԿ-ի Անվտանգության խորհրդի օրակարգում Իսրայելի դեմ զենքի էմբարգոյի հարցը:
Այս նախաձեռնության շրջանակում պատրաստված համատեղ նամակը նոյեմբերի 1-ին ներկայացվել է ՄԱԿ-ի գլխավոր քարտուղարին 52 երկրների, ինչպես նաև Իսլամական համագործակցության կազմակերպության և Արաբական պետությունների լիգայի ստորագրություններով։ Մենք կշարունակենք Իսրայելին զենքի վաճառքը դադարեցնելու մեր ջանքերը»,-թուրքական ԶԼՄ-ների փոխանցմամբ՝ ասել է նախարարը՝ հինգշաբթի օրը ելույթ ունենալով խորհրդարանի բյուջեի պլանավորման հանձնաժողովի նիստում։
Նրա խոսքով՝ Թուրքիան ակտիվորեն կոչ է անում երկրներին դադարեցնել օգնությունն Իսրայելին։
«Մենք բոլոր ջանքերը գործադրում ենք միջազգային հանրությանը մեկուսացնելու և միջազգային հանրությանը մոբիլիզացնելու համար։ Մենք վճռականորեն շարունակելու ենք մեր ջանքերն այս ուղղությամբ»,- ասել է Ֆիդանը։
