ԱՄՆ պետքարտուղար Էնթոնի Բլինքենը հայտարարել է Գազայի հատվածում ռազմական գործողությունների արդյունավետ և երկարատև ընդմիջումների և նույնիսկ հակամարտության դադարեցման անհրաժեշտության մասին՝ բնակչությանը մարդասիրական օգնություն մատակարարելու համար, չորեքշաբթի հաղորդում են արևմտյան լրատվամիջոցները։
Ըստ պետքարտուղարի՝ Վաշինգտոնը հույսը դնում է այն բանի վրա, որ «հակամարտող կողմերը կկարողանան հասնել Գազայի հատվածի մեծ մասում ռազմական գործողությունների երկարատև դադարների, որպեսզի հնարավոր լինի մարդասիրական օգնություն հասցնել նրանց, ովքեր ունեն դրա կարիքը»։
Ավելի վաղ Բլինքենը ԱՄՆ պաշտպանության նախարար Լլոյդ Օսթինի հետ վերջնագիր էր ներկայացրել Իսրայելի իշխանություններին՝ պահանջելով մինչև նոյեմբերի 12-ը բարելավել Գազայում հումանիտար իրավիճակը։
Իսրայելի իշխանությունները մեծացրել են Գազայի հատվածի բնակչությանը մարդասիրական օգնության մատակարարումը, սակայն մի շարք միջազգային օգնության կազմակերպություններ կարծում են, որ Իսրայելը չի կատարել ԱՄՆ-ի պայմանները, հայտնում է Միացյալ Նահանգների Պետդեպարտամենտը:
Բացի այդ, մի շարք փորձագետներ հիշեցնում են, որ Գազայի որոշ շրջանների մոտ ապագայում սով է սպառնում։
