Ամերիկյան «Ինտեր Մայամիի» արգենտինացի հարձակվող Լիոնել Մեսսին Instagram-ի իր էջում դիմել է երկրպագուներին MLS-ի փլեյ-օֆֆից թիմի հեռանալուց հետո։
«Թեև մենք հասանք որոշ նպատակների, մենք ավելին էինք ուզում: Շնորհակալություն բոլոր այն մարդկանց, ովքեր միացան և աջակցեցին մեզ։ Հիմա եկեք պատրաստվենք հաջորդ տարի ավելի ուժեղ վերադառնալու»,- գրել է նա։
Նոյեմբերի լույս 10-ի գիշերը «Ինտեր Մայամին» փլեյ-օֆֆի 1/8 եզրափակչի երրորդ խաղում պարտվել է «Ատլանտա Յունայթեդին», որի կազմում հանդես է գալիս ռուս կիսապաշտպան Ալեքսեյ Միրանչուկը։ Հանդիպումն ավարտվել է 3:2 հաշվով, խաղում գոլի հեղինակ է դարձել Մեսսին։
Երեք խաղից բաղկացած դիմակայությունում «Ինտեր Մայամին» առաջին խաղում հաղթեց 2:1 հաշվով, սակայն երկրորդում պարտվեց՝ 1:2, ինչը թույլ տվեց «Ատլանտային» դուրս գալ մրցաշարի քառորդ եզրափակիչ։
Թիմը կհանդիպի «Օռլանդո Սիթիին»:
Մեսսին MLS-ում հանդես եկող «Ինտեր Մայամի» է տեղափոխվել 2023 թվականի ամռանը։ Անցյալ տարվա օգոստոսի 20-ին արգենտինացին նվաճեց Ամերիկայի առաջին գավաթը՝ Լիգայի գավաթը։ 2022 թվականի դեկտեմբերին Մեսսին Արգենտինայի հավաքականի կազմում դարձավ աշխարհի չեմպիոն։ Նա նաև 100-ից ավելի գոլ է խփել ազգային հավաքականի կազմում։
